2Pe 1 | PONPDN | STEP | IET nai Simon Petrus ladu o wanporon en Iesus Kristus on irail, me paikier poson kasampwal ota dueta kit, me kitail aleer ki pun en atail Kot o Saunkamaur Iesus Kristus.

2 Peter 1

1 IET nai Simon Petrus ladu o wanporon en Iesus Kristus on irail, me paikier poson kasampwal ota dueta kit, me kitail aleer ki pun en atail Kot o Saunkamaur Iesus Kristus. 2 Mak o popol en roklan komail ki erpit en Kot o Iesus atail Kaun. 3 Son en manaman en Kot karos, me itar on maur o lelapok, kisakis don kitail er, ki kupurkon en i, me kotin molipe kitail ki pein a linan o manaman. 4 Ni mepukat a kotin kisakis ki don kitail inau lapalapia o kasampwalia kan, pwen kare on komail maur en Kot, o tan wei saner me sued akan, me mi sappa ki inon sued. 5 Komail ari nantion eta, kida sar mau ni omail poson, o ni sar mau lolekon. 6 O ni lolekon koton, o ni koton kanonama, o ni kanonama lelapok. 7 O ni lelapok limpok on saulan kan, o ni limpok on saulan kan limpok on amen amen. 8 Pwe ma mepukat mi re omail, o pwaida re omail, komail ap sota pan tanana de so wa ni lolekonki atail Kaun Iesus Kristus. 9 A me sota pwaisaneki mepukat, nan i maskun, o a kin dedam sili wasa, aki a monokela a wideud san ni dip a dip en mas. 10 Ri ai ko, i me komail nantion katenedi omail paeker o pilipil, pwe ma komail pan wiada mepukat, komail sota pan pupedi. 11 Pwe i me komail pan pedelonki peren nan wei soutuk en atail Kaun o Saunkamaur Iesus Kristus. 12 I me i pan kataman kin komail ansau karos, menda ma komail asa mepukat, o komail keleki melel. 13 I lamelame, a pun, i en kataman kin komail o kamana komail da, arain ai pan mimieta nan im pwal 14 Pwe i asa, eten I pan pwilikidi war ai duen atail Kaun Iesus Kristus kotin masani on ia er. 15 A I pan nantion, pwe komail en poden tamatamanda mepukat murin ai samala. 16 Pwe se so idauenda kasoi widin ni at padaki on komail duen manaman en atail Kaun Iesus Kristus o a kotin pan sapaledo, a pein kit kilaner a linan. 17 Pwe ni a kotin aleer wau o linan san ren Kot Sam ni ansau nil eu peidido san nan linan lapalap katitiki: let nai Ol kompok, me I kin peren kida. 18 Nil wet, me peidido san nanlan, se roner ni at ian i mimieda pon dol saraui. 19 Ari mas an en kokop me pun melel re atail, o meid mau, komail en kasampwaleki dueta marain eu, me kin dakareda wasa rotorot lao ran pasan o usu ran pan pwara dan monion omail. 20 let me komail en asa mas: Sota kokop nan puk saraui me tapida san ren aramas. 21 Pwe sota man kokop pwili san ni insen en aramas amen, pwe aramas saraui en Kot akan kokopada mokimokidedi Nen saraui.